Сэтинньи 14 күнүгэр "Я -профи" республиканскай чемпионатка профессор Г
12:38 19.11.2025 16+
Сэтинньи 14 күнүгэр "Я -профи" республиканскай чемпионатка профессор Г.П.Башарин аатынан Сылаҥ орто оскуолатын 1-6 кылааска дылы барыта 20 үөрэнээччи кыттыыны ылла. Оҕолор, учууталлар күүскэ бэлэмнэннилэр. Ол курдук 20 компетенцияҕа кытыннылар:
«Искусство кино», «Технология моды», «Инспектор экологии» ,«Парикмахерское искусство», "Декоративно-прикладное искусство», «Медицинский и социальный уход»,
«Изобразительная деятельность», «Поварское дело», «Мобильная робототехника».
Бу олус кэрэхсэбиллээх уонна туһалаах тэрээһин оҕо сайдыытыгар туһата:
1) Эрдэттэн идэҕэ туһаайыы: Оҕо араас идэлэри кытта билсэн, бэйэтэ оҥорон-тутан көрөн, инникитигэр ханнык хайысханы талыан сөбүн быһаарынарыгар көмөлөһөр.
2) Сатабыллары сайыннарыы: Үөрэнээччилэр теорияны кытта тэҥҥэ практикаҕа үөрэнэллэр, илиилэринэн тутан-хабан көрөн.
3) Талааны арыйыы уонна бэйэҕэ эрэли үөскэтии: Күрэхтэһии түһүлгэтэ оҕо саҥа талааннарын арыйарга, элбэх киһи иннигэр бэйэтин үлэтин көмүскүүргэ үөрэтэр, онон бэйэтигэр эрэлин күүһүрдэр.
Чемпионат оҕоҕо "улааттахпына ким буолабын?" диэн ыйытыыга эппиэт көрдүүрүгэр көмөтө улахан, үлэһит киһи буола улаатарыгар бастакы үктэл буолар.
